Rusiyanın Mədəniyyət naziri Olqa Lyubimova koronavirusa yoluxub.

“İnterfaks” nazirliyin mətbuat xidmətinə istinadla xəbər verir ki, O.Lyubimova xəstəliyi yüngül formada keçirdiyi üçün evdən işini davam etdirir.

“Nazirin COVID-19 testi müsbət nəticə verib. O, hazırda evindədir, işlə bağlı görüşləri və danışıqları videokonfrans formasında evindən icra edir”, - deyə, nazirin mətbuat katibi Anna Usaçova bildirib.

Nazirin səlahiyyətlərini müvəqqəti olaraq birinci müavini Sergey Obrıvalin icra edəcək.

Qeyd edək ki, Rusiyada aprelin 30-da hökumət başçısı Mixail Mişustin, mayın 1-də isə İnşaat naziri Vladimir Yakuşev və onun müavini Dimitriy Volkov koronavirusa yoluxublar.