Bu ilin yanvar-iyun aylarında informasiya və rabitə sektorunda çalışan işçilərin orta aylıq əməkhaqqı 1 905,9 manat təşkil edib.

Finss.az bu barədə Dövlət Statistika Komitəsinəistinadən xəbər verir ki, bu göstərici ötən ilin eyni dövrü ilə müqayisədə 195,1 manat və ya 11,4% çoxdur.

Hesabat dövründə sahələr üzrə göstəricilər:

• Nəşriyyat fəaliyyəti sahəsində – 862,6 manat
• Kinofilmlərin, video və televiziya proqramlarının istehsalı, səsyazma və musiqi nəşrləri ilə əlaqədar fəaliyyət sahəsində – 1 178,3 manat
• Proqramların tərtib edilməsi, radio və televiziya verilişlərinin translyasiya edilməsi ilə əlaqədar fəaliyyət sahəsində – 1 206,1 manat
• Rabitə sahəsində – 2 262,8 manat
• Proqram təminatının işlənməsi, bu sahədə məsləhətlər və əlaqədar fəaliyyət sahəsində – 2 124,3 manat
• İnformasiya xidmətləri fəaliyyəti sahəsində – 1 891,7 manat

Qeyd edək ki, 2025-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əməkhaqqı 2024-cü ilin müvafiq dövrünə nisbətən 9,4% artaraq 1 097,3 manat təşkil edib.

• Əməkhaqqı neft-qaz sektorunda – 3 918,7 manat,
• qeyri neft-qaz sektorunda – 1 044,9 manat olub.
• Dövlət müəssisələrində çalışan işçilərin əməkhaqları 1 061,8 manat,
• Özəl müəssisələrdə isə 1 133,0 manat təşkil edib

Fuad Mədətov
Finss.az