Finss.az - İşğaldan azad olunmuş ərazilərdə peşə təhsili məktəbləri tikilir. Son illərdə Bakıda, Gəncədə, Bərdədə, Qəbələdə, İsmayıllıda və Lənkəranda yeni peşə təhsil mərkəzləri inşa edilib.

Peşə Təhsili üzrə Dövlət Agentliyinin direktoru Ceyhun Kərəmov "Tikinti sektoru üzrə kadr hazırlığında dövlət-özəl tərəfdaşlığının rolu" mövzusunda keçirilən müzakirədə bildirib ki, hazırda Qubada, Qaxda, Tovuzda və digər rayonlarda peşə təhsil mərkəzlərinin tikinti işləri davam edir.

O qeyd edib ki, Qarabağda peşə təhsil sahəsinin bərpası ilə bağlı işlərə başlanılıb. Hazırda Füzulidə peşə təhsili mərkəzi tikilir və bu il Şuşada peşə təhsil mərkəzinin yenidən qurulması üçün işlərə başlanılacaq. Qubadlıda isə peşə təhsil mərkəzlərinin layihələndirilməsi işləri ilin ortasında tamamlanacaq.