Finss.az - Bakıda piyadaların rahat hərəkətini təmin etmək məqsədilə infrastruktur inkişaf etdiriləcək. Rəqəmsal inkişaf və nəqliyyat nazirinin müavini Rəhman Hümmətov 2024-cü ildəki nəqliyyat sahəsində həyata keçirilmiş işlər barədə brifinqdə bildirib ki, ötən il piyadalar üçün yolların sayı artırılıb. Bu tədbirlər, məsələn, “28 May” metro stansiyası, "Malakan bağı" əraziləri və "İçərişəhər" metro stansiyası ətrafında avtomobil yollarının piyadalar üçün bağlanması, şəhərdə piyadaların hərəkətinin daha rahat olmasını təmin edib.

Nazir müavini vurğulayıb ki, piyada infrastrukturunun yaxşılaşdırılması prosesi davam etdiriləcək və Bakı şəhər İcra Hakimiyyəti ilə birgə yeni layihələr üzərində iş aparılır. Bu layihələr arasında səkilərin enləndirilməsi, pandusların qurulması və piyada yollarının işıqlandırılması nəzərdə tutulur.