Finss.az - 2024-cü ildə Azərbaycanda şəhərlərarası və rayonlararası müntəzəm avtobus marşrutlarına onlayn bilet satışını təmin edən “biletim.az” portalı üzərindən 455 min 640 ədəd bilet satılıb. Bu göstərici 2023-cü illə müqayisədə 4 dəfə çoxdur.

Rəqəmsal İnkişaf və Nəqliyyat Nazirliyinin tabeliyindəki Azərbaycan Yerüstü Nəqliyyat Agentliyinin verdiyi məlumata görə, portalın istifadəsi sərnişinlərə vaxta qənaət etmə, müştəri məmnuniyyətini artırma və nağdsız ödəniş dövriyyəsini genişləndirmə kimi üstünlüklər təmin edir. Sərnişinlər bilet almaq üçün "biletim.az" saytına daxil olub qeydiyyatdan keçməlidirlər.