“YAŞAT” Fondunun və “ASAN Könüllüləri” Təşkilatının birgə təşkilatçılığı, “PMD Hospitality”nin tərəfdaşlığı ilə həyata keçirilən və Ulu Öndər Heydər Əliyevin 100 illik yubileyinə həsr olunan üçüncü “YAŞAT” düşərgəsinin dördüncü həftəsinə start verilib.

Bu barədə Fins.az-a Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən bildirilib.

Şamaxı Safari Parka təşkil olunan ekskursiyadan sonra düşərgənin açılış mərasimi olub. İştirakçılara həftəlik proqram barədə ətraflı məlumat verilib.

İkinci gün səhər idmanı ilə başlayıb və "Gənc psixoloqlar" İctimai Birliyinin psixoloqları ilə görüşlə davam edib. Psixoloqlar düşərgə iştirakçıları ilə düzgün kommunikasiyanın qurulması və tanışlıq məqsədi ilə oyunlar keçiriblər.

Eyni zamanda “INNOLAND” İnkubasiya və Akselerasiya Mərkəzinin komanda ilə iş, innovativ düşüncə mövzusunda təlim proqramı baş tutub. Gün hotel daxili əyləncə və stolüstü idman oyunları ilə davam edib.

Tərəfdaşlar “PMD Hospitality’’ şirkəti, “Shamakhi Palace Sharadil” oteli, baş sponsor “Bakcell”, sponsorlar “Nar”, “PAŞA Bank” ASC, “BRAVO” supermarketlər şəbəkəsi, dəstəkçilər “İnnovasiyalar Mərkəzi”, “Azərbaycan Hava Yolları” QSC, “PAŞA Həyat Sığorta” ASC, “Gənc Psixoloqlar” İctimai Birliyi, “Digital Umbrella” şirkəti, Şamaxı Safari Park, “DeFacto” mağazalar şəbəkəsi, “Panda Kids” mağazalar şəbəkəsi, "Elm Galaxy'' MMC, ‘’Libraff’’ kitab mağazaları şəbəkəsi, "Happy Day Cake”, Booo.az, "Milla", “Gədəbəy Mineral Suları” MMC, "Bilim Bakı'' mərkəzi, “INNOLAND Inkubasiya və Akselerasiya Mərkəzi”, Şamaxı Astrofizika Rəsədxanasıdır.