Dövlət başçısının “Azərbaycan Respublikasının ərazisində baş vermiş təbii fəlakətlərin,

texnogen qəzaların və hərbi əməliyyatların nəticələrinin aradan qaldırılması ilə əlaqədar dövlət

vəsaiti hesabına inşa edilmiş yaşayış evlərinin və çoxmənzilli yaşayış binalarının mənzilləri

üzərində hüquqların rəsmiləşdirilməsi, habelə onların yerləşdiyi torpaq sahələri ilə bağlı bəzi

məsələlərin tənzimlənməsi” haqqında 7 aprel 2022-ci il tarixli Fərmanının əhatə etdiyi

vətəndaşlar üçün İqtisadiyyat Nazirliyi yanında Əmlak Məsələləri Dövlət Xidməti tərəfindən

həyata keçirilən səyyar qeydiyyat xidməti davam etdirilir.

 

Fins.az xəbər verir ki, növbəti səyyar qəbul iyunun 16-da, saat 11:00-dan etibarən Sabirabad rayonunun Yuxarı Axtaçı, Əsgərbəyli, Muradbəyli və Qasımbəyli kəndlərində keçiriləcək.