Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi tərəfindən bu il 10,2 min şəxs sosial xidmətlərlə əhatə edilib.

Bu barədə  Nazirlikdən xəbər verilib. Bildirilib ki, onlardan tənha ahıl və əlilliyi olan 6531 şəxsə evlərində səyyar formada sosial-məişət, mütəxəssislər tərəfindən sosial reabilitasiya, sosial-hüquqi xidmətlər göstərilib.

Agentliyin sosial xidmət müəssisələrində 1759 şəxs (o cümlədən 18 yaşınadək əlilliyi olan 312 şəxs) daimi dövlət təminatında olmaqla stasionar sosial xidmətlərlə əhatə olunub.

Həssas kateqoriyadan olan 721 şəxsin də yarımstasionar formada sosial xidmətlərlə təminatı həyata keçirilib. Sosial xidmət layihələri çərçivəsində isə 25 şəhər və rayon üzrə 1221 uşaq sosial reabilitasiyaya cəlb olunub.