Vətəndaş əlilliyin təyin olunması ilə bağlı müraciət etdiyi zaman onun bir neçə xəstəliyi varsa, hər biri üzrə fərdi faizlə təyinat aparılır.

Fins.az-ın məlumatına görə, bunu Dövlət Tibbi-Sosial Ekspertiza və Reabilitasiya Agentliyinin sədr müavini Mətanət Məmmədova "Sosial saat"da deyib.

O qeyd edib ki, yekun olaraq faizlər eyni hesablanırsa, yekun faiz 10 faiz artırılacaq. “Əgər bir xəstəlikdə faiz digər xəstəlikdən aşağıdırsa, vətəndaşın xeyrinə olaraq yüksək faiz olanı tətbiq edilir”, - deyə M.Məmmədova bildirib.

Qeyd edək ki, “Əlilliyi olan şəxslərin hüquqları haqqında” qanuna dəyişikliklər edilib. Dəyişikliklərin 2022-ci il iyulun 1-dən qüvvəyə minib. Yeni qaydalara əsasən, əlillik orqanizmin funksiyasının itirmə dərəcəsinə görə, yəni faizlə müəyyən edilir. Orqanizmin funksiyasının 30-60 faiz itirilməsi III qrup, 60-80 faiz itirilməsi II qrup, 80-100 faiz itirilməsi isə I qrup hesab olunur.