İqtisadi Zonaların İnkişafı Agentliyinə daha bir logistik yükdaşıma şirkəti tərəfindən Araz vadisində rezident qismində fəaliyyət göstərmək üçün müraciət daxil olub.

Bunu "Fins.az”-a  Agentliyin rəhbəri Elxan Nuriyev deyib.

O bildirib ki, şirkət tərəfindən 50-yə yaxın yük avtomobilləri alınıb və hazırda infrastruktur  yaradılır ki, Zəngəzur dəhlizi açılandan sonra fəaliyyətə başlanılsın.
"Bununla yanaşı "FedEX", UPS,  "ASE Express" və "Amerikan Express" şirkətlərinin yerli nümayəndəlikləri "Qarabağ Logistik" adlı şirkət yaradıblar.  Əsas məqsəd orada (Araz vadisi iqtisadi zonasında - red.) gömrük anbarları yaradaraq Zəngilan və Füzuli hava limanlarında öz HUB-larını formalaşdıraraq beynəlxalq yükdaşımalar həyata keçirilməsidir",- deyə Elxan Nuriyev qeyd edib.