“Ukraynadakı hadisələr səbəbi ilə yaranan digər narahatlıq budur ki, nəqliyyat-logistika, idxal olunan məhsullar, qiymət artımı və müxtəlif qadağalarla bağlı ciddi problemlər var”.

Fins.az xəbər verir ki, bunu Milli Məclisin iclasında Baş nazir Əli Əsədov deyib. 

O vurğulayıb ki, Prezident İlham Əliyevin tapşırığına əsasən, mövcud çağırışlara operativ və çevik reaksiya verilməsi üçün qabaqlayıcı və təxirəsalınmaz tədbirlər görülür: “Bunun nəticəsi olaraq Azərbaycanda ərzaq məhsulları üzrə ehtiyatlar yaradılır və əlavə təchizatla bağlı bütün mümkün olan tədbirlər görülür”.