Bakı, 19 noyabr Fins.az

Rusiyanın Baş naziri Mixail Mishustin Azərbaycanın Baş naziri Əli Əsədovla telefonla Cənubi Qafqazda dəmir yolu infrastrukturunun inkişaf perspektivlərini müzakirə edib.

Fins.az xəbər verir ki,bu barədə çərşənbə günü Rusiya hökumətinin mətbuat xidməti məlumat verib.Məlumatda Cənubi Qafqazda nəqliyyat kommunikasiyalarının normallaşdırılmasına dair qərarları nəzərə alaraq dəmir yolu infrastrukturunun inkişaf perspektivləri barədə də fikir mübadiləsi aparılıb deyilir.

Söhbət zamanı hökumət başçıları sənaye, kənd təsərrüfatı maşınları, əczaçılıq və digər sahələrdə birgə layihələrin həyata keçirilməsinə xüsusi diqqət yetirərək ticarət-iqtisadi əməkdaşlığın inkişaf etdirilməsinin aktual məsələlərini müzakirə etdilər. Bundan əlavə, hökumət xəttindəki ikitərəfli təmasların cədvəlini müzakirə etdilər.