Gürcüstanda növbəti prezident seçkiləri dekabrın 14-də keçiriləcək.

Finss.az xəbər verir ki, bu barədə Gürcüstan parlamentinin sədri Şalva Papuaşvili bugünkü plenar iclasda məlumat verib.

Bildirib ki, artıq məsələ parlamentin bürosuna təqdim edilib.

Papuaşvilinin sözlərinə görə, prezidentin inauqurasiyası isə dekabrın 29-da baş tutacaq. 

Qeyd edək ki, Gürcüstan tarixində ilk dəfə prezident ümumxalq səsverməsi ilə deyil, parlamentdə seçki kollegiyası tərəfindən seçiləcək.

Kaira Agayeva 

Finss.az