Cari ilin əvvəlinə olan ehtiyatlar nəzərə alınmaqla, 2024-cü ilin yanvar-iyun aylarında ölkədə əmtəəlik təbii qaz ehtiyatlarının həcmi 21,870.9 milyon kubmetr təşkil etmişdir. Təbii qaz ehtiyatlarının 27.5 faizi ölkə daxilində istehlak edilmiş, 59.8 faizi ixrac olunmuş, 2.5 faizi itkiyə gedilmiş, 10.2 faizi isə iyul ayının əvvəlinə ehtiyat kimi qalmışdır.

Finss.az Dövlət Statistika Komitəsinin məlumatına əsasən, xəbər verir ki, ölkə daxilində istehlak edilmiş təbii qazın 59.8 faizi istehsal ehtiyaclarına sərf edilmiş, 40.2 faizi isə əhaliyə satılmışdır. 2024-cü ilin yanvar-iyun aylarında 13,079.6 milyon kubmetr təbii qaz ixrac edilmiş, bu isə 2023-cü ilin müvafiq dövrü ilə müqayisədə 10.8 faiz artım deməkdir.

Əhali tərəfindən istehlak edilən təbii qazın miqdarı 2,420.4 milyon kubmetr olmuş və əvvəlki ilin müvafiq dövrü ilə müqayisədə 4.2 faiz azalmışdır. İstehlakın bölgüsü aşağıdakı kimidir: 37.9 faizi Bakı şəhərinə, 3.1 faizi Naxçıvan Muxtar Respublikasına, 11.7 faizi Abşeron-Xızı bölgəsinə, 6.0 faizi Gəncə-Daşkəsən bölgəsinə, hər biri 5.7 faiz olmaqla Lənkəran-Astara və Mərkəzi Aran bölgələrinə, 5.5 faizi Qazax-Tovuz bölgəsinə, 5.0 faizi Şəki-Zaqatala bölgəsinə, 4.9 faizi Quba-Xaçmaz bölgəsinə, 4.6 faizi Qarabağ bölgəsinə, 3.8 faizi Mil-Muğan bölgəsinə, 3.6 faizi Şirvan-Salyan bölgəsinə, və 2.5 faizi isə Dağlıq Şirvan iqtisadi rayonlarına aid olmuşdur.