Neft İxrac Edən Ölkələr Təşkilatı (OPEC), bəzi qeyri-OPEC hasil edən ölkələrdən ibarət OPEC+ bazar və üzvlərin hasilatı azaltma təcrübələrini nəzərdən keçirmək üçün çərşənbə günü onlayn görüş keçirib.

Fins.az xəbər verir ki, OPEC+ yüksək rütbəli nazirlərinin görüşündə neft tədarükü siyasətində heç bir dəyişiklik edilməyib. Bəzi ölkələrə hasilatın azaldılmasına riayət olunmasını artırmaq üçün təzyiqlər edilib.

Neft bu il sıx tədarük, Rusiyanın enerji infrastrukturuna hücumlar və Yaxın Şərqdəki müharibə səbəbindən bahalaşıb. Çərşənbə günü Brent markalı neft oktyabrdan bəri ən yüksək həddə çataraq bir barel üçün 89,35 dollar təşkil edib.

Saxo Bank-dan Ole Hansen mövzu ilə bağlı açıqlamasında, "OPEC+ ilin birinci yarısında qlobal bazarları sıx saxlayaraq və potensial olaraq qiymətlərin artmasına səbəb olan neft tədarükünün azaldılmasına davam etmək qərarına gəlib" dedi.

Səudiyyə Ərəbistanı və Rusiyanın başçılıq etdiyi OPEC+ üzvləri keçən ay bazarı dəstəkləmək üçün gündəlik 2,2 milyon barellik (bpd) könüllü hasilatın azaldılmasını iyunun sonuna qədər uzatmaq barədə razılığa gəliblər.

OPEC+ çərşənbə günü keçirilən iclasdan sonra verdiyi açıqlamada bəzi ölkələrin hədəflərə sadiqliklərini yaxşılaşdırmağa söz verdiklərini bildirib.

Günel Məlikzadə
Fins.az