Rusiyanın həftəlik dəniz yolu ilə xam neft ixracı qrup daxilində fərdi hasilat hədəfləri ilə bağlı fikir ayrılıqları səbəbindən təxirə salınan OPEC+ neft nazirlərinin iclası ərəfəsində artıb.

Fins.az Bloomberg-ə istinadən xəbər verir ki, noyabrın 26-dək həftə ərzində Rusiya limanları vasitəsilə gündə təxminən 3,24 milyon barel xam neft daşınıb. Qara dənizdə fırtınalar nəticəsində tankerlərin yüklənməsinin pozulmasına baxmayaraq, bu rəqəm noyabrın 19-na kimi yenidən işlənmiş rəqəmlə müqayisədə gündə 370 min barel artıb. Dörd həftəlik orta axınlar isə aşağı düşüb.

Günel Məlikzadə
Fins.az