Azərbaycan Dövlət Neft Şirkətinin (SOCAR) Türkiyədəki STAR neft emalı zavodu (NEZ) 2023-cü ilin avqust ayında 2022-ci ilin avqust ayındakı 526 min 384 tonla müqayisədə 512 min 251 ton dizel yanacağı istehsal edib.

Fins.az bu barədə bazar ertəsi xəbər verir.

Beləliklə, Türkiyə Enerji Bazarlarının Tənzimlənməsi İdarəsinin (EPDK) məlumatlarına əsasən, NEZ-də dizel yanacağı istehsalı illik hesablamada 2,7 faiz azalıb.

STAR NEZ-in gücünün 2024-cü ildə 13 milyon tona çatacağı gözlənilir. Neft-kimya məhsullarının istehsalında Qara dəniz bölgəsi və Afrika ölkələrinin, o cümlədən bir sıra digər ölkələrin xam neftindən istifadə olunur.

STAR NEZ 2018-ci ilin oktyabr ayında istismara verilib.

STAR zavodunun illik emal gücü 10 milyon tona yaxındır. Zavod gündəlik 214 min barel xam neft emal etmək gücündədir.

Murad Abdullayev
Fins.az