Hasilat və emal sahəsinə sərmayənin az olması səbəbindən dünya neft və neft məhsulları qıtlığı ilə üzləşə bilər. Müxtəlif beynəlxalq təşkilatların proqnozları göstərir ki, neft hasilatı, emalı və nəqli üçün kapital xərcləri yəqin ki, heç vaxt 2010-2014-cü illərdə orta hesabla ildə 665 milyard dollar səviyyəsinə çatmayacaq.

"Fins.az" xəbər verir ki, OPEC-in baş katibi bildirib ki, qlobal neft sənayesinə kifayət qədər sərmayə qoyulmur. Gələcəkdə neftə olan tələbatı ödəmək üçün sənayenin təxminən 12,1 trilyon dollar əlavə investisiyaya ehtiyacı olacaq. Əks halda, bazarlar güclü şokla üzləşəcək və bu, güclü volatilliyə səbəb olacaq.