G-7 ölkələri Rusiya-Ukrayna müharibəsi səbəbindən “ağır və dərhal iqtisadi xərclər” tətbiq edəcəyini vəd edərək, müəyyən qiymətdən yuxarı satılan Rusiya neftinin daşınmasına qoyulan qadağanı araşdıracaqlarını açıqlayıb.
"Fins.az" xəbər verir ki,Almaniyanın ev sahibliyi ilə Bavariyadakı Elmau sarayında keçirilən G-7 Sammitinin yekun bəyannaməsi dərc olunub.

Bəyannamədə G-7-nin Moskvanın enerji istehsalındakı mövqeyindən istifadə edərək Ukraynada başladığı müharibədən yararlanmasının qarşısını almaq üçün daha çox tədbir görəcəyi ifadə edilib.
Müəyyən qiymətdən yuxarı satılan Rusiya neftinin daşınmasına qoyulan qadağaya yenidən baxılacağı qeyd edilib. “Biz bütün həmfikir ölkələri (Rusiya nefti ilə bağlı) aksiyalarımıza qoşulmaq barədə düşünməyə dəvət edirik”, - deyə bəyanatda deyilir.

Bəyannamə Rusiyadan gələn mülki nüvə texnologiyalarına və əlaqəli məhsullara, o cümlədən tədarüklərini diversifikasiya etmək istəyən ölkələrə kömək etməklə bağlılığı daha da azaldacaq.

Müəllif: Aynur Qəniyeva