Qazprom oktyabr ayından etibarən Avropaya qaz tədarük edəcək mübahisəli Şimal Axını 2 -yə qaz verməyi planlaşdırır.
Fins.az xəbər verir ki, Bloomberg -in hesabatına görə, Qazprom oktyabrın 1 -dən Baltik dənizindən Almaniyaya Şimal axını 2 boru kəmərinə qaz axınını təmin etməyi planlaşdırır.

Mənbələrə görə, Qazprom hər iki xətdən qaz almaq üçün 1 dekabrı hədəfləyir. Şirkət bu il xəttin üzərindən 5,6 milyard kubmetr qaz nəql edə biləcəyini açıqlayıb.

Almaniya kansleri Angela Merkelin dəstəyinə baxmayaraq, Şimal axını 2 boru kəməri ABŞ kimi müttəfiqlərin mənfi  reaksiyasına səbəb olub. ABŞ ilk növbədə layihədə iştirak edən şirkətlərə sanksiya tətbiq edəcəyini açıqladı və sonra Bayden administrasiyası Almaniya ilə razılığa gəldi. Müqaviləyə əsasən, Rusiya Ukraynaya qarşı enerjidən silah kimi istifadə edərsə, ABŞ buna cavab verə biləcək.

Müəllif:Aynur Qəniyeva