“Azərbaycan Sənaye Korporasiyası” ASC, “Azəralüminium” SC və Almaniyanın "Achenbach Buschhutten" şirkəti Gəncədə birgə alüminium müəssisəsi yaradacaq.
“ASK, “Azəralüminium” və «Achenbach Buschhutten» Azərbaycanda açüminium sənayesinin inkişafı və dünya bazarında onun rəqabət qabiliyyətinin artırılması məqsədilə birgə müəssisə yaratmağı planlaşdırır. Birgə müəssisənin yaradılmasına dair ilkin saziş artıq imzalanıb. Yeni infrastrukturun Gəncədə yerləşdirilməsi planlaşdırılır”, - hökumətdən məlumat verilib.
Zavodun istehsal gücü illik 105 min ton prokat təşkil edəcək, hansı ki, avtomobil, gəmiqayırma, telekommunikasiya və digər sahələrdə fəaliyyət göstərən şirkətlərə satılacaq.
“Bu layihənin reallaşdırılması Azərbaycanda alüminium istehsalını genişləndirməyə, qabaqcıl və innovativ texnologiyaların tətbiqi ilə açüminium məmulatların buraxılmasını təşkil etməyə və satış imkanlarını şaxələndirməyə imkan yaradacaq”, - hökumətdən bildiriblər.
"Achenbach Buschhutten" şirkəti əlvan metal prokatı və alüminium ərintilərinin istehsalı üzrə mürəkkəb zavodların tikintisi və modernizasiyasında böyük təcrübəyə malikdir. Şirkət bu sahədə avadanlığın istehsalında ixtisaslaşır və dünya avtomobil sənayesində aparıcı şirkətlərlə əməkdaşlıq edir.
“Azəralüminium” SC “Azərbaycan Sənaye Korporasiyası” ASC-nin balansındadır. “Azəralüminium” SC Azərbaycan Respublikasında əlvan metallurgiya sənayesinin müəssisələrini özündə birləşdirməklə boksit filizindən alüminium-oksid, ilkin alüminium külçə və s. istehsal edir.
Prezident İlham Əliyev 6 noyabr 2017-ci il tarixində “Azərbaycan Sənaye Korporasiyası” ASC-nin yaradılması haqqında fərman imzalayıb. “Azərbaycan Sənaye Korporasiyası” dövlət əmlakının idarə edilməsinin səmərəliliyini artırmaq, korporativ idarəetmə prinsiplərinə əsaslanan hesabatlılıq və nəzarət sistemini formalaşdırmaq, dövlətə məxsus müəssisələr arasında əlverişli kooperasiya əlaqələrinin yaradılmasına və istehsal potensialının dəyər zəncirinin həlqələri üzrə artırılmasına nail olmaq məqsədilə yaradılıb. Cəmiyyətin nizamnamə kapitalı 500 milyon manat təşkil edir.