2025-ci ilin fevral ayında “İpək Yolu Sığorta” Açıq Səhmdar Cəmiyyətinin maliyyə göstəricilərində ciddi dəyişikliklər qeydə alınıb.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkət yanvar ayında 424 min manat sığorta haqqı toplayıbsa, fevralda bu məbləğ 30 min manata enib. Bu, 93%-lik kəskin azalma deməkdir və şirkətin bazar fəaliyyəti ilə bağlı ciddi problemlərin mövcud olduğunu göstərir.

Digər tərəfdən, sığorta ödənişlərində dramatik bir artım qeydə alınıb. Yanvar ayında yalnız 2 min manat ödəniş həyata keçirən şirkət, fevralda bu məbləği 8 min manata çatdırıb. Aylıq müqayisədə 251,38%-lik artım, ödənişlərin kəskin şəkildə artdığını göstərir, lakin haqlardakı bu böyük azalma ilə müqayisədə, şirkətin maliyyə dayanıqlılığı ilə bağlı ciddi suallar yaranır.

Sığorta haqlarındakı bu qədər böyük azalma və ödənişlərdəki qeyri-adi artım, şirkətin gələcək perspektivləri və bazar mövqeyi ilə bağlı ciddi narahatlıqlar doğurur.

Fuad Mədətov
Finss.az