2025-ci ilin fevral ayında “Atəşgah Həyat” Sığorta Şirkəti Açıq Səhmdar Cəmiyyətinin maliyyə göstəricilərində qeyri-sabit dinamika müşahidə olunub.

Finss.az bu barədə Azərbaycan Mərkəzi Bankının (AMB) yayımladığı məlumata əsasən xəbər verir ki, şirkətin sığorta ödənişləri kəskin şəkildə azalıb. Belə ki, yanvar ayında 3 712 min manat sığorta ödənişi həyata keçirən “Atəşgah Həyat” fevralda bu məbləği 2 766 min manata endirib. Aylıq müqayisədə 25,49%-lik azalma şirkətin müştərilər qarşısında öhdəliklərini necə yerinə yetirməsi ilə bağlı suallar doğura bilər.

Digər tərəfdən, sığorta haqlarında artım müşahidə olunsa da, bu, əvvəlki ayla müqayisədə cəmi 11% təşkil edib. Yanvarda 7 965 min manat sığorta haqqı toplayan şirkət fevralda bu məbləği 8 833 min manata çatdırıb. Lakin ödənişlərdəki azalma fonunda bu artım şirkətin real maliyyə vəziyyəti ilə bağlı suallar doğurur.

Fuad Mədətov
Finss.az