Dünyadakı təbii fəlakətlər, 2020-ci ilin yanvar-iyun aylarında iqtisadiyyata 68 milyard ABŞ dolları məbləğində ziyan vurub ki, bu da son 30 illik orta səviyyədən (inflyasiya ilə tənzimlənən 74 milyard dollar) aşağı nəticədir.

Fins.az xəbər verir ki, Şimali Amerikadakı təbii fəlakətlər səbəbiylə 27 milyard dollarlıq sığorta itkiləri adi haldan (20 milyard dollar) daha yüksək olub. Bu bölgədə ümumi itkilərin 47% -i və sığorta tələblərinin 82% -i, müvafiq uzunmüddətli orta göstəricilərdən (35% və 60%) xeyli yüksək olub. Bunun əksinə olaraq, Avropa və Asiya bölgəsində baş verən təbii fəlakətlər daha az itki ilə nəticələnib.

Avstraliyada baş verən meşə yanğınları həm təbiətə, həm də sığorta sektoruna görünməmiş ziyan vurdu. Qitənin cənub-şərq sahilləri boyunca yerləşən kurort və yaşayış məntəqələrinə yaxın bir ərazi tamamilə yandı. Yanğınlar mövsümü rekord miqdarda itki verdi: ümumi itkilər təqribən 2 milyard dollar təşkil etdi, bunun 1,6 milyard dolları binalarda yanğın sığortasının payına düşür.

Tuncay Türbəndəzadə