Show

02 Fevral

DevOps mühəndis - VAKANSİYA

İqtisadi İslahatların Təhlili və Kommunikasiya Mərkəzi bir neçə vəzifə üzrə vakansiya elan edir.

Qurumdan Fins.az-a bildirilib ki, öz peşəkar qabiliyyətlərinə güvənən, bərabər imkanlar mühitində karyera irəliləyişlərinə can atan, ən əsası isə Azərbaycan Respublikasında aparılan iqtisadi islahatların daha da genişləndirilməsi və onların müntəzəmliyinin təmin edilməsi, stimullaşdırıcı mexanizmlərdən və innovasiyalardan istifadə edilməsi, yeni konseptual yanaşmaların tətbiqi, mövcud iqtisadi potensialdan və əlverişli investisiya mühitindən daha səmərəli istifadə edilməsi istiqamətində ölkənin sosial-iqtisadi inkişafına öz töhfəsini vermək istəyən hər bir uyğun namizəd bu imkanı dəyərləndirə bilər.

Vakansiya: DevOps mühəndis

Vəzifə öhdəlikləri:

  • yeni virtual maşınların (VM) tələblərə uyğun şəkildə konfiqurasiya edilməsi və mövcud virtual maşınlarda müvafiq sazlanmaların aparılması;
  • mövcud problemlərin qiymətləndirilməsi və həmin problemlərinin həll olunması üçün proqramçılar ilə işlərin yerinə yetirilməsi;
  • proqram təminatlarının yerləşdirməsində yaranan çətinliklərin müəyyənləşdirilməsi və həll edilməsi;
  • istifadə edilən sistemlərin və mövcud layihələrin vəziyyətinin yoxlanması, nəzarət edilməsi və müvafiq hesabatların hazırlanması kimi gündəlik tapşırıqların yerinə yetirilməsi.

Təhsil və ixtisas tələbləri: ali təhsil (informasiya texnologiyaları, biznesin idarəedilməsi və ya müvafiq ixtisas üzrə).

Staja dair tələb: müvafiq sahədə ən azı 2 ildən çox təcrübə.

Kompüter biliklərinə dair tələblər:

  • Linux əməliyyat sistemləri üzrə güclü biliklər;
  • məlumat bazalarının idarə olunması üzrə baza bilikləri;
  • avtomatlaşdırma tool-ları: Ansible, Jenkins və ya digərləri;
  • şəbəkə sistemləri üzrə baza bilikləri (vacibdir);
  • kubernetes cluster-lərinin idarə olunması üzrə biliklər;
  • monitorinq vasitələri: Prometheus/Grafana, Sentry, ELK stack;
  • konteynerləşdirmə və Docker texnologiyaları bilikləri;
  • API Gateway kimi proseslərin qurulması üzrə təcrübə;
  • mikroservis arxitekturasında işləyənlərə üstünlük veriləcək;
  • Gitlab CI/CD;
  • Nginx, Tomcat idarə etmə bacarığı;
  • virtualizasiya tool-ları ilə iş bacarığı.

Dil bilikləri: Azərbaycan - yüksək səviyyədə, ingilis dili bilikləri (minimal danışıq bilikləri, texniki sənədlərin oxunması və tərcüməsi);

Xüsusi bacarıqlar:

Diqqətlilik, ünsiyyət qurma bacarığı, dünyagörüşü, təşkilatçılıq səriştəsi, komandada işləmək bacarığı, sərbəst araşdırma aparmaq, problemi həll etmək və qərarvermə qabiliyyəti.

Göstərilən tələblərə cavab verən namizədlər CV-ni faylı ad və soyadla adlandırmaqla 2024-cü il 18 fevral tarixinədək vacancy@ereforms.gov.az  elektron poçt ünvanına göndərə bilərlər.

Elektron məktubun mövzu hissəsində müraciətin məqsədinin (vakansiyanın adı) qeyd edilməsi xahiş olunur. İşə qəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.