“Bank Respublika” ASC İnsan Resursları Departamentində Mükafat və Müavinətlərin təhlili və icrası şöbəsinin baş mütəxəssis/meneceri vəzifəsi üzrə vakansiya elan edir.

Fins.az-ın məlumatına görə, bankın vakansiya ilə bağlı öhdəlikləri və tələbləri təqdim olunub.

Ümumi vəzifə öhdəlikləri:

• Mövcud mükafat və müavinət proqramları, siyasət və prosedurların mütəmadi qiymətləndirilməsi və dəyişdirilməsinə dair təkliflərin verilməsi;
• Yeni mükafat və müavinət proqramları, habelə aidiyyəti struktur bölmə ilə birgə siyasət və prosedurlarının hazırlanması və həyata keçirilməsi;
• Məvacib strukturunun qurulması və idarə edilməsi;
• Mükafat və müavinət planlarının biznes strukturlarla qarşılıqlı müzakirəsi və razılaşdırılması;
• İşçilərin vəzifə və əmək haqqı artımlarının illik plan əsasında təşkili və icrasına nəzarət;
• Büdcə, hesabat və təqdimatların hazırlanması;
• Bankın mükafatlandırma siyasətlərinin rəqabətədavamlı olmasını təmin etmək üçün müvafiq müavinət məlumatlarının nəzərdən keçirilməsi;
• Mükafat və müavinət üzrə sorğuların təşkili və nəticələrin təhlili;
• Mükafat, əməkhaqqı və digər ödənişlərlə bağlı müxtəlif hesabatların hazırlanması;
• Bankın inkişafı üçün gələcək tendensiyaların proqnozlaşdırılması.

Namizədə qarşı tələblər:

• Ali təhsil (İnsan resurslarının idarə olunması, Menecment, riyazi və ya iqtisadi sahələr üzrə);
• İnsan resursları sahəsi üzrə minimum 3 il iş təcrübəsi arzuolunandır;
• MS Office proqramları üzrə biliklər;
• Excel proqramı üzrə yüksək səviyyədə biliklər;
• Yüksək riyazi biliklər və analitik təhliletmə qabiliyyəti;
• Dil bilikləri: Azərbaycan dili əla, Rus və İngilis dilləri yaxşı səviyyədə arzuolunandır;
• Güclü təqdimat bacarığı;
• Şifahi və yazılı ünsiyyət qurmaq bacarığı;
• Operativlik, dəqiqlik və məsuliyyətlilik;
• Yüksək səviyyədə idarəetmə, planlama və icraçılıq qabiliyyəti.

Göstərilən tələblərə cavab verən namizədlər öz CV-lərini 31 avqust 2023-cü il tarixinədək email-in mövzu hissəsində Mükafat və Müavinətlərin təhlili və icrası şöbəsinin baş mütəxəssis/meneceri qeyd edərək [email protected] elektron ünvanına göndərə bilər. Əks təqdirdə müraciətlilərə baxılmaya bilər.

Həmçinin bildirmək istərdik ki, işəqəbul prosesinin növbəti mərhələsi üçün yalnız seçilmiş namizədlərlə əlaqə saxlanılacaqdır.