Azərbaycan Beynəlxalq Bankı Kreditlərin ilkin təqibi şöbəsinə mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Bankımızın peşəkar komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Gənc və peşəkar kollektivdə çalışmağın üstünlüyü;
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirakı;  
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

•  Təhkim olunmuş gecikmə qruplarına gündəlik zənglərin olunmasının təşkili;
• Müştərilərlə danışıq nəticələrinin mövcud sistemdə düzgün qeydiyyatının aparılması və qeydlərin düzgünlüynə görə məsuliyyətin daşınması;
• Müştərilərlə danışıq zamanı şəxsi münasibətlərə yol verilməməsi, korporativ mədəniyyətin qorunub saxlanması;
• Zənglərin keyfiyyətli və ödəniş olunması istiqamətində təhrikedici üslubda təşkili;
• Birbaşa tabeliyində olan rəhbərə gündəlik fəaliyyətinin statistik hesabatlarının təqdim edilməsi.

Bizim üçün uyğun namizəd:

• İqtisadiyyat və ya hüquq istiqaməti üzrə ali təhsili olan;
• Aktiv kommunikasiya bacarığı olan;
• MS Office proqramlarında yüksək səviyyədə işləmək  bacarığı olan şəxsdir.

Göstərilən tələblərə cavab verən namizədlər təcrübədən asılı olmayaraq öz CV-lərini [email protected] elektron ünvanına göndərə bilərlər.

Məktubun mövzu hissəsində müraciət edilən vəzifə adının “Kreditlərin ilkin təqibi şöbəsinə mütəxəssis” şəklində göstərilməsi xahiş edilir. Əks təqdirdə, müraciətiniz nəzərdən qaça bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.