Azərbaycan Beynəlxalq Bankı İnformasiya təhlükəsizlik sistemləri üzrə baş mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Azərbaycan Beynəlxalq Bankının komandasına qoşulun və bu üstünlüklərdən Siz də faydalanın:

• Cənubi Qafqazın ən böyük bankında işləmək imkanı;
• Beynəlxalq standartları yerli bazara gətirən qurumda potensialı reallaşdırmaq şansı;
• Rəqəmsal həllərin, innovasiyaların tətbiqi sahəsində bazar liderinin əməkdaşı olmaq fürsəti;
• Gənc və peşəkar kollektivdə çalışmağın üstünlüyü;
• Yüksək komanda ruhunda əməkdaşlıq;
• Karyera irəliləyişlərində hamıya yaradılan bərabər imkanlar;
• Bankda həyata keçirilən transformasiya prosesində zəngin təcrübənin qazanılması;
• Əməkdaşların yeni trendlərə uyğun təşkil olunan daxili və xarici təlimlərdə iştirak; 
• Əməkdaşların beynəlxalq sertifikatlar əldə etməsi üçün həvəsləndirmə proqramı;
• Bankdaxili aktiv sosial həyat.

Görəcəyiniz işlər:

• İT sistemlərinin daimi monitorinqi;
• Problemlərin aşkarlanması və analiz olunması;
• Dəyişikliklər, profilaktik işlər və problemlərlə bağlı bir sıra işçi qruplarının məlumatlandırılması;
• Mövcud servislərin dayanıqlılığının və təhlükəsizliyinin təmin edilməsi;
• Əməliyyat sistemlərinin və konfiqurasiya fayllarının mütəmadi ehtiyata alınması;
• Xüsusi sistem icazələrinin verilməsi və qeydiyyatının aparılması.                                                                    

Bizim üçün uyğun namizəd:

• Ali təhsilli;
• Sahə üzrə minimum 2 il iş təcrübəli; 
• Windows Server 2012/2019 qurulması, sazlanması üzrə təcrübəyə malik;
• OS Linux üzrə təcrübəli;
• VMWare, Hyper-V sistemlərinin inzibatçılığı üzrə təcrübəyə sahib;
• Active Directory, DNS, WSUS, DHCP üzrə təcrübəli;
• Şəbəkə texnologiyaları barədə məlumatlı;
• Endpoint Security, GPO  üzrə biliklərə sahib;
• İnformasiya təhlükəsizliyinin təminatı vasitələri barədə bilikli;
• Təhlükəsizlik təhdidləri və riskləri barədə məlumatlı;
• Microsoft (MCSA), Red Hat (RHCSA), CEH, CISSP, CISA, CISM üzrə sertifikatlara sahib (üstünlükdür);
• Yüksək səviyyədə Azərbaycan, İngilis dili biliyinə malik, Rus dili arzuolunandır.

Göstərilən tələblərə cavab verən namizədlər öz CV-lərini  [email protected] elektron ünvanına göndərə bilərlər.

Məktubun mövzu hissəsində müraciət edilən vəzifə adının “İnformasiya təhlükəsizlik sistemləri üzrə baş mütəxəssis” şəklində göstərilməsi xahiş edilir. Əks təqdirdə, müraciətə baxılmaya bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq. Əlavə məlumat üçün: www.ibar.az