Azərbaycan Beynəlxalq Bankı Satınalmalar Departamentinin Hesabatlıq və protokol şöbəsinə  Tender üzrə mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Bankın yeni uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankının yaratdığı bu imkandan faydalanmağa çağırırıq.

Görəcəyiniz işlər:

• Bankda Tender və Kotirovka prosesi ilə bağlı yazışmaların, danışıqların aparılması;
• Tədarükçü şirkətlərdən qiymət təkliflərinin alınması, təkliflərin müqayisəli təhlilinin aparılması və optimal təklifin rəhbərliyə təqdim edilməsi;
• İlkin sənədlərin ekspertizasının aparılması;
• Tender və Kotirovka iştirakçılarının müəyyənləşdirilməsi və təkliflərin təhlil edilməsi;
• Tender və Kotirovkaların statusu barədə hesabatların hazırlanması;
• Müqavilələr üzrə danışıqların aparılması;
• Tender və Kotirovka protokollarının hazırlanması;
• Sənədlərin qeydiyyatı və arxivləşdirmə işinin aparılması.

Bizim üçün ideal namizəd:

• Ali təhsili (Hüquqi təhsil arzuolunandır);
• Tender məsələləri üzrə 1 ildən artıq iş təcrübəsi olan;
• Ofis proqramlarında sərbəst işləməyi bacaran;
• Yüksək səviyyədə ünsiyyətqurma qabiliyyəti, təşkilatçılıq və problemləri həll etmə bacarıqları olan şəxsdir.

Bu iş sizə nələri qazandıracaq:

• Bank sahəsində  iş proseslərini dərindən öyrənmək imkanı;
• Müvafiq sahədə potensialınızı reallaşdırmaq imkanı;
• Zəngin təcrübə qazanmaq və fərdi inkişaf imkanı;
• Peşəkar sahədə geniş əlaqələr qurmaq imkanı;
• Yüksək şəxsi və peşəkar keyfiyyətlərə malik  komandanın bir üzvü olmaq;

Əgər axtardığımız ideal namizəd sizsinizsə CV-nizi  [email protected]  elektron ünvanına 20.06.2020 tarixinədək göndərə bilərsiniz.

Məktubun mövzu hissəsində müraciət edilən vəzifə adının “Tender üzrə mütəxəssis” şəklində göstərilməsi xahiş olunur.

Əlavə məlumat üçün: www.ibar.az