Azərbaycan Beynəlxalq Bankı Şüvəlanda yerləşən DOST mərkəzi üçün xidmət mərkəzləri üzrə mütəxəssis vakansiyası elan edir.

Özünə və peşəkar qabiliyyətlərinə güvənən, davamlı fərdi inkişafa və bərabər imkanlar mühitində karyera irəliləyişlərinə can atan, ən əsası isə Azərbaycan Beynəlxalq Bankı komandasının fəal üzvü kimi Müasir Dövlət Bankının uğur hekayəsinin bir hissəsinə çevrilmək istəyən hər bir uyğun namizəd bu imkanı dəyərləndirə bilər.

Komanda ruhunun gücünü hiss etmək, öz potensialınızı belə bir mühitdə reallaşdırmaq, daim öyrənərək biliklərinizi başqaları ilə də paylaşmaq və layiq olduqlarınızı əldə etmək üçün Sizi Azərbaycan Beynəlxalq Bankınınyaratdığı bu imkandan faydalanmağa çağırırıq.

Vəzifə öhdəlikləri:

• MXS-yə müraciət edən müştəriləri bankdaxili qaydalara uyğun olaraq qarşılamaq və onlara peşəkar xidmət göstərmək;
• Kassaya mədaxil və məxaric əməliyyatlarını həyata keçirmək, bu əməliyyatları Bankın müvafiq avtomatlaşdırılmış əməliyyat sistemində icra etmək;
• Müştərilərin sorğu və müraciətlərini daxili prosedur və qaydalara uyğun, operativ şəkildə icra etmək;
• Qanunvericilik və bankdaxili qaydalara uyğun olaraq, MXS rəhbəri tərəfindən verilən tapşırıqları icra etmək.
• Tam maddi məsuliyyət haqqında müqavilə əsasında kassada olan pul və digər qiymətlilərin saxlanılması və qorunmasını təmin etməyə görə.
• Bankın müvafiq səlahiyyətli idarəetmə orqanı (və ya rəhbər şəxsi) tərəfindən MXS üzrə müəyyənləşdirilən fəaliyyət hədəflərinin yerinə yetirilməsi istiqamətində səlahiyyətləri daxilində tədbirlər görmək;
• Zəruri hallarda, çalışdığı bölmədə əməkdaşlarını əvəz etmək;
• Bankın məhsulları və xidmətləri haqqında məlumatlara malik olmaq, vaxtlı-vaxtında belə bilikləri yeniləmək;

Tələb olunan səriştələr:

• Müştərilərlə nəzakətli ünsiyyət;
• Müştərilərə vaxtında və keyfiyyətli xidmətin göstərilməsi;
• İntizam, daxili sənədlərinə və daxili qaydalarına ciddi riayət etmək.

Vakant vəzifə üzrə tələblər:

• Ali iqtisadi təhsill;
• Ünsiyyətçilik, vicdanlılıq, təşəbbüskarlıq; 
• Komandada işləmək bacarığı; 
• Analitik zəka, müştərilərlə işləmək qabiliyyəti;
• Riyazi hesablama aparmaq qabiliyyəti; 
• İşdə dəqiqlik və detallara fikir verməkvə yüksək məsuliyyət qabiliyyəti.

Bu iş sizə nələri qazandıracaq:

• İdarəetmə və müvafiq sahədə özünüzü reallaşdırmaq imkanları.

Göstərilən tələblərə cavab verən namizədlər bankın daxiliCV formasını 15 yanvar 2020-ci  il tarixinədək [email protected] elektron ünvanına göndərə bilərlər.

Məktubun mövzu hissəsində müraciət edilən vəzifə adının“Xidmət mərkəzləri üzrə mütəxəssis”şəklində göstərilməsi xahiş edilir. Əks təqdirdə, müraciətiniz nəzərimizdən qaça bilər.

İşəqəbul prosesinin növbəti mərhələsi üçün yalnız seçilmiş namizədlərlə əlaqə saxlanacaq.

Əlavə məlumat üçün: www.ibar.az