Serbiya prezidenti Aleksandr Vuçiç Azərbaycandan elektrik enerjisi idxalı məsələsində Türkiyə tərəfinə müraciət etdiyi barədə məlumat verib.

“Mən ondan (Türkiyə prezidenti Rəcəb Tayyip Ərdoğandan ) xahiş etdim ki, bizə köməklik etsin... Azərbaycandan elektrik enerjisinin ötürülməsində”, - Vuçiç çərşənbə günü Belqradda Ərdoğanla birgə mətbuat konfransında bildirib. Bu barədə Peuters məlumat verir.

Əvvəl avqustun 21-də Azərbaycan və Serbiya prezidentləri İlham Əliyev və Aleksandr Vuçiç arasında keçirilən telefon danışığının yekunlarına dair Serbiya dövlət başçısının dəftərxanasında bəyan ediblər ki, Serbiya əlverişli şərtlərlə Azərbaycandan elektrik enerjisi ala bilər.

Orada qeyd ediblər ki, Vuçiç kifayət qədər elektrik enerjisinin təminatında köməklik üçün Əliyevə müraciət edib və Azərbaycanın dövlət başçısı bu xahişə cavab verib, Serbiyanın Azərbaycandan əlverişli şərtlərlə elektrik enerjisi almasına dair dövlətlərarası sazişin təsdiqindən söz açıb.