Azərbaycanda bp şirkətinin işçiləri olan Azərbaycan vətəndaşlarının sayı 76 nəfər azalıb.

"Fins.az" "bp Azərbaycan"ın hesabatına istinadən xəbər verir ki, 2022-ci ilin ikinci rübünün sonunda bp şirkətinin işçiləri olan Azərbaycan vətəndaşlarının sayı 2268 nəfər olub və bura müddətli müqavilə əsasında işləyən işçilər də daxildir. 

2018-ci ilin ortalarından bp-nin ixtisaslı işçilərinin 90%-ni milli kadrlar təşkil edir. İxtisası olmayan işçilər isə 100% yerli vətəndaşlardan ibarətdir. 

Qeyd edək ki, 2021-ci ilin birinci yarımilin sonunda bp şirkətinin işçiləri olan Azərbaycan vətəndaşlarının sayı 2344 nəfər olmuşdu.