Rusiya Ukraynanı işğal etdikdən sonra cəmi üç ay ərzində Çin və Hindistana enerji satışından 24 milyard dollar gəlir əldə edib.

"Fins.az" xəbər verir ki, Rusiyanın enerji satışından əldə etdiyi qazanc, yüksək qlobal qiymətlərin Rusiya lideri Vladimir Putini cəzalandırmaq üçün ABŞ və Avropanın səylərini nə qədər məhdudlaşdırdığını göstərir.
Son gömrük məlumatlarına görə, Çin mayın sonuna qədər üç ayda Rusiya nefti, qazı və kömürünə 18,9 milyard dollar xərcləyib. Bu rəqəm əvvəlki illə müqayisədə təxminən iki dəfə çoxdur.

Eyni dövrdə Hindistan 5,1 milyard dollar xərcləyib ki, bu da əvvəlki ilin dəyərindən beş dəfə çoxdur.Bu məlumatlar 2021-ci ilin eyni ayları ilə müqayisədə hər iki ölkədən 13 milyard dollardan çox əlavə gəlir deməkdir.

Qadağalar enerji qiymətlərinin artmasına və inflyasiyanın artmasına səbəb oldu ki, bu da əsas iqtisadiyyatları tənəzzüllə təhdid edib. 

Müəllif:Aynur Qəniyeva