“Azərenerji” ASC 2019-cu ili 228 milyon 998 min manat zərərlə başa vurub.
Bu, 2018-ci ilə nisbətən 24,7% azdır.
Bununla belə, hesabat dövründə qurumun yığılmış zərəri 8,9% artaraq 2 milyard 541 milyon 548 min manata çatıb.
2019-cu ildə “Azərenerji”nin enerji satışından gəlirləri 1 milyard 105 milyon 679 min manat (2018-ci illə müqayisədə 5,8% çox), elektrik şəbəkəsinə qoşulma xidmətindən və digər satış gəlirləri 897 min manat (2,8 dəfə az), yanacaq xərcləri 519 milyon 353 min manat (0,2% çox), köhnəlmə və amortizasiya xərcləri 189 milyon 467 min manat (5,9% çox), heyətlə bağlı xərcləri 59 milyon 536 min manat (20,1% çox), təmir və texniki xidmət xərcləri 77 milyon 764 min manat (96,3% çox), xammal və materiallar üzrə xərcləri 10 milyon 106 min manat (7,8% çox), alınmış elektrik xərcləri 8 milyon 208 min manat (30,9% az), ƏDV-nin dəyərsizləşməsi ehtiyatında dəyişiklikdən gəlirləri 976 min manat (2018-ci ildə xərclər olub), maliyyə xərcləri 41 milyon 332 min manat (2,1% az), xarici valyuta mübadiləsindən gəlirləri 3 milyon 229 min manat (4,4 dəfə az), kreditor borcların və kreditlərin silinməsindən gəlirləri 171 min manat (496,1 dəfə az), aktivlərin ləğv olunması ilə bağlı öhdəliklərdə dəyişiklikdən gəlirləri 31 milyon 361 min manat (2018-ci ildə olmayıb), əmlak, tikili, avadanlıq və əmlak, tikili və avadanlığın alınması üçün verilmiş avanslar üzrə dəyərsizləşmə itkisi 370 milyon 311 min manat (88,8% çox), digər xərcləri 24 milyon 284 min manat (2018-ci ildə olmayıb), mənfəət vergisi ödəmələri 34 milyon 671 min manat (7,1 dəfə az), digər vergi ödəmələri isə 36 milyon 279 min manat (10,6% az) təşkil edib.
2020-ci il yanvarın 1-nə “Azərenerji”nin aktivləri 3 milyard 922 milyon 852 min manat olub ki, bu da 1 il əvvələ nisbətən 5,6% çoxdur. Hesabat dövründə səhmdar cəmiyyətinin öhdəlikləri 0,7% artaraq 2 milyard 54 milyon 508 milyon manata, balans kapitalı isə 16,2% artaraq 1 milyard 378 milyon 344 min manata çatıb.
Xatırladaq ki, "Azərenerji" 1997-ci ildə yaradılıb. Onun nizamnamə kapitalı 1 milyard 760 milyon 495 min manatdır. 100% dövlətə məxsus qurum ölkənin əsas enerji istehsalçısı və ixracatçısıdır.
(c)report