Finss.az - Prezident İlham Əliyev yanvarın 7-də yerli televiziya kanallarına verdiyi müsahibədə 2025-ci ilin büdcə parametrləri və ölkənin iqtisadi vəziyyəti barədə ətraflı danışıb.

O, qeyd edib ki, bu ilin büdcəsi rekord səviyyədədir və büdcə xərcləri 41 milyard manatdan çoxdur. İcmal büdcə isə 48 milyard manatı ötüb, bu da Azərbaycan tarixində ən böyük büdcə olduğunu göstərir.

Prezident İlham Əliyev, büdcə parametrlərinin və dinamikanın ölkənin iqtisadi potensialını əks etdirdiyini vurğulayıb və bildirib ki, bu nəticələr yalnız daxili resurslar hesabına, şəffaflıq, idarəetmə və düzgün iqtisadi siyasət nəticəsində əldə edilib. O, ölkənin iqtisadi müstəqilliyinin siyasi müstəqilliklə sıx bağlı olduğunu və iqtisadi cəhətdən heç kimdən asılı olmayan bir ölkənin müstəqil siyasət apara biləcəyini qeyd edib.

Dövlət başçısı həmçinin, bu maliyyə göstəricilərinin sosial proqramların daha fəal icrasına imkan yaradacağını bildirib. Bu, Azərbaycan hökumətinin iqtisadi gücünü və inkişaf istiqamətlərini daha da möhkəmləndirməyə yönəlik əsas amillərdən biridir.