Azərbaycan-Özbəkistan İnvestisiya Fondunun nizamnamə kapitalının yuxarı həddi 500 min ABŞ dolları müəyyən edilib.

Fins.az xəbər verir ki, bunu Milli Məclisin deputatı Məşhur Məmmədov parlamentin bu gün keçirilən plenar iclasında bildirib:

“Fondun yaradılması barədə sazişə əsasən, baş ofis Daşkənddə, nümayəndəlik isə Bakıda olacaq. Fondun nizamnamə kapitalında Azərbaycanın payı 75 %, Özbəkistanın payı isə 25 %-dir. Fond gələcək layihələrə tərəfdaş olacaq. Fondun təsisçiləri sazişin qüvvəyə minməsindən sonra 60 gün ərzində müəyyən ediləcək. Fondun nizamnamə və investiisya qaydalarının hazırlanması üçün məsləhətçi şirkət cəlb ediləcək. Fondun Azərbaycan və Özbəkistan, eləcə də III ölkələrdə investisiya qoyması nəzərdə tutulub”.

Fuad Mədətov
Fins.az