Ermənistan və ABŞ Trampın Beynəlxalq Sülh və Rifah Marşrutu layihəsinin məzmununu ətraflı müzakirə edir. 

Sfera.az xəbər verir ki, bunu Ermənistanın baş naziri Nikol Paşinyan jurnalistlərə açıqlamasında deyib.

Ermənistanın baş naziri bu layihənin həyata keçirilməsini evin layihələndirilməsi və tikintisi ilə müqayisə edərək qeyd edib ki, hər şeyi ətraflı müzakirə etmək, layihələndirmək lazımdır və yalnız bundan sonra onun tam icrasına başlamaq olar.

“Hazırda biz substantiv mətn üzərində işləyirik, mətnin məzmununun yaradılması üzərində işləyirik. Elementlər masa üzərindədir və biz onları vahid sənəddə ümumiləşdirməliyik", - deyə Paşinyan bildirib. 

Bununla belə, o, təkid edib ki, hər hansı qərar əvvəllər Vaşinqtonda səslənən beş prinsipdən kənara çıxa bilməz.

Bu beş prinsip bunlardır: Ərazi bütövlüyü, yurisdiksiya, suverenlik, qarşılıqlılıq və sərhədlərin toxunulmazlığı.

Niyaz Hacıyev
Sfera.az