2025-ci ilin yanvar–iyun ayları ərzində Azərbaycan Beynəlxalq Bankının (ABB) qeyri-faiz gəlirləri 199 milyon manat təşkil edib. Əsas artım haqq və komissiya gəlirləri, xarici valyuta əməliyyatları və digər istiqamətlər üzrə qeydə alınıb.

Finss.az – 2025-ci ilin ilk 6 ayında **Azərbaycan Beynəlxalq Bankı (ABB)**nın qeyri-faiz gəlirləri 199 milyon manat təşkil edib. Bankın rüblük hesabatına görə, bu göstərici ötən ilin eyni dövrü ilə müqayisədə 52,5 milyon manat və ya 35,8% artım deməkdir.

Qeyri-faiz gəlirlərinin əsas hissəsini təşkil edən haqq və komissiya gəlirləri 125,5 milyon manat olub ki, bu da illik müqayisədə 19,4 milyon manat və ya 18,3% artım deməkdir.

Xarici valyuta əməliyyatları üzrə gəlirlər isə 39,0 milyon manat təşkil edib, ötən ilin eyni dövrü ilə müqayisədə 13,5 milyon manat və ya 53,0% artım qeydə alınıb.

Bankın qiymətli kağızların satışından əldə etdiyi gəlir 248,5 min manat zərərdən 2,8 milyon manat gəlirə çevrilib. Digər gəlirlər isə 2,1 dəfə artaraq 31,8 milyon manata çatıb.

Xatırladaq ki, 2024-cü ilin yanvar–iyun aylarında ABB-nin qeyri-faiz gəlirləri 146,5 milyon manat, haqq və komissiya gəlirləri 106,1 milyon manat, xarici valyuta əməliyyatlarından gəlirləri isə 25,5 milyon manat təşkil etmişdi.