Finss.az - Böyük Britaniyada fəaliyyət göstərən Jaguar Land Rover (JLR) satışların azalması və artan tarif xərcləri fonunda 500 işçini könüllü ixtisar proqramı çərçivəsində işdən azad edəcək.

İxtisarlar əsasən rəhbər vəzifələrə şamil olunacaq və bu, şirkətin Böyük Britaniyadakı ümumi heyətinin 1,5 faizini təşkil edir.

Qeyd edək ki, JLR 2025-ci ilin ikinci rübündə satışlarda 15%-dən çox azalma qeydə alıb. Əsas səbəblər sırasında köhnəlmiş modellərin istehsalının dayandırılması və ABŞ-ın tətbiq etdiyi tariflər səbəbindən ixracın müvəqqəti olaraq dayandırılması göstərilir. ABŞ bazarı JLR satışlarının dörddə birindən çoxunu təşkil edir.

May ayından etibarən ixrac qismən bərpa edilsə də, tariflər 27,5%-dən 10%-ə endirilib və Britaniyadan illik maksimum 100 min avtomobil ixracı ilə məhdudlaşdırılıb. Populyar Defender modeli Slovakiyada istehsal olunduğundan hələ də tam tariflə üzləşir.

Jaguar brendinin satışları isə ötən illə müqayisədə 98% azalıb. Brendin yeni elektrikli flaqman modeli Type 00 yalnız 2026-cı ildə bazara çıxarılacaq.