Finss.az xəbər verir ki, Honq-Konq 2019-cu ildən bəri ilk dəfə olaraq 2025-ci ildə dünyanın ən böyük IPO məkanı titulunu bərpa edə bilər.

Dealogic-in məlumatına görə, ilin əvvəlindən Honq-Konqda 41 IPO həyata keçirilib. İlkin kütləvi təkliflərin ümumi həcmi 13,66 milyard dollar təşkil edib ki, bu da artıq 2024-cü ilin bütün həcmini ötüb.

Honq-Konq Fond Birjası ilin birinci yarısında IPO həcminə görə liderdir, Nasdaq və Nyu-York Fond Birjası (NYSE) müvafiq olaraq ikinci və üçüncü yerdədir.

Honq Konq birjasında IPO aktivliyi son illərdə COVID-19 pandemiyasından sonra risk iştahının ümumi zəifləməsi və yüksək faiz dərəcələri səbəbindən aşağı olmuşdur. Hong Kong Exchanges Clearing Ltd. (HKEx) birja operatorunun məlumatına görə, 2023-cü ildə birjada IPO-ların həcmi cəmi 5,9 milyard dollar təşkil edib.

Cari bum, xüsusən də Çin şirkətləri tərəfindən yerləşdirmənin intensivləşməsi ilə bağlıdır. Üstəlik, ABŞ və Çin arasındakı münasibətlərdəki gərginlik bu fəaliyyəti məhdudlaşdırmır. Əksinə, Honq-Konq Çin şirkətləri üçün, xüsusən də ABŞ prezidenti Donald Trampın administrasiyasının Amerika birjalarından delistinq tələb edə biləcəyi ilə bağlı narahatlıqlar səbəbindən, üstünlük verilən məkana çevrilib, WSJ qeyd edir.

Bundan əlavə, Honq Konq Pekinin kapital bazarlarını canlandırmaq və onları investorlar üçün daha əlçatan etmək cəhdlərində əsas rol oynayır. İnvestorların nikbinliyi ÇXR hakimiyyəti tərəfindən həyata keçirilən iqtisadi stimullaşdırma tədbirləri ilə də dəstəklənir.