2025-ci ilin yanvar-mart aylarında Naxçıvan Muxtar Respublikasında ümumi daxili məhsulun (ÜDM) həcmi 344 milyon 310 min 200 manat təşkil edib. Bu göstərici 2024-cü ilin eyni dövrü ilə müqayisədə 1,2 faiz artım deməkdir. Həmin dövr ərzində əhalinin hər nəfərinə düşən ÜDM 0,6 faiz artaraq 730,7 manat olub.

Finss.az xəbər verir ki, bu barədə Naxçıvan Muxtar Respublikası Statistika Komitəsi məlumat yayıb.

Hesabat dövründə muxtar respublikada 114 milyon 128 min 600 manatlıq sənaye məhsulu istehsal edilib ki, bu da əvvəlki ilin müvafiq göstəricisi ilə müqayisədə 9,2 faiz azalma deməkdir. Sənaye məhsulunun 89 milyon 165 min 800 manatı (78,1%) malların, 24 milyon 962 min 800 manatı (21,9%) isə xidmətlərin payına düşüb.

Sənaye istehsalının sahələr üzrə bölgüsü isə aşağıdakı kimidir:

• 0,2 faiz – mədənçıxarma sənayesi,
• 74,6 faiz – emal sənayesi,
• 23,0 faiz – elektrik enerjisi, qaz və buxar istehsalı, bölüşdürülməsi və təchizatı,
• 2,2 faiz – su təchizatı, tullantıların təmizlənməsi və emalı sahələri.

Fuad Mədətov
Finss.az