2024-cü ildə Azərbaycandan ABŞ-yə fiziki şəxslərin pul köçürmələrinin həcmi 60,425 milyon ABŞ dolları təşkil edib.

Finss.az Azərbaycan Mərkəzi Bankına istinadən xəbər verir ki, bu göstərici 2023-cü illə müqayisədə 1,457 milyon ABŞ dolları və ya 10,3% artıb.

Ölkədən həyata keçirilən ümumi pul köçürmələrində ABŞ-nin payı 11,5% təşkil edib və bu göstərici ilə ABŞ, Azərbaycan vətəndaşlarının ən çox pul köçürdüyü ikinci ölkə olub.

Bununla yanaşı, 2024-cü ildə ABŞ-dən Azərbaycana daxil olan pul köçürmələrinin həcmi 64,984 milyon ABŞ dolları olub ki, bu da 2023-cü illə müqayisədə 8,822 milyon ABŞ dolları və ya 11,9% azalma deməkdir.

Hesabat ilində Azərbaycana ümumi pul köçürmələrində ABŞ-nin payı 6% təşkil edib.

2023-cü ilin göstəricilərinə nəzər yetirsək:

• Azərbaycandan ABŞ-yə pul köçürmələrinin həcmi 54,801 milyon ABŞ dolları olub.
• Əks istiqamətdə isə ABŞ-dən Azərbaycana 73,806 milyon ABŞ dolları vəsait göndərilib.

Ümumilikdə, 2024-cü ildə Azərbaycandan xarici ölkələrə fiziki şəxslər tərəfindən 526,759 milyon ABŞ dolları köçürülüb ki, bu da 2023-cü illə müqayisədə 23,367 milyon ABŞ dolları və ya 4,2% azalma deməkdir.

Bundan əlavə, hesabat ilində xarici ölkələrdən Azərbaycana göndərilən pul köçürmələrinin həcmi 1,082 milyard ABŞ dolları olub. Bu da 2023-cü illə müqayisədə 571,942 milyon ABŞ dolları və ya 34,6% azalma deməkdir.

Fuad Mədətov
Finss.az