Beynəlxalq Enerji Agentliyi (IEA) bu il üçün gündəlik qlobal neft tələbatının artım tempi üzrə proqnozunu azaldıb.

Bu barədə Finss.az Beynəlxalq Enerji Agentliyinin (IEA) hesabatına istinadən xəbər verir.

2025-ci ildə gündəlik qlobal neft tələbatının artımı 2024-cü ildəki 830 min barellə müqayisədə orta hesabla 1 milyon barel təşkil edəcək. Bu, əvvəlki proqnozdan 100 min barel azaldılmış bir göstəricidir. Beləliklə, 2025-ci ildə qlobal neft tələbatı 103,9 milyon barel olacaq.

Hesabatda qeyd edilib ki, artım tempi üzrə bu proqnozun azaldılması əsasən qeyri-müəyyən makroiqtisadi perspektivlər fonunda həyata keçirilib. Bu, dünya iqtisadiyyatında yaşanacaq dəyişikliklər və qlobal bazarlarda baş verə biləcək təlatümlərlə bağlı artan qeyri-müəyyənliyi nəzərə alaraq aparılıb.