Finss.az xəbər verir ki, Beynəlxalq Məlumat Korporasiyasının (IDC) yeni proqnozlarına əsasən, informasiya texnologiyaları və xidmətlərin inkişafına yönəlmiş qlobal xərclər 2025-ci ildə 14% artaraq 4,25 trilyon dollara çatacaq. Bu, 1996-cı ildən bəri qeydə alınan ən böyük illik artım kimi tarixə düşəcək.

IDC bildirir ki, 1990-cı illərin sonunda İT xərclərinin yüksəlişi Windows 95-in istifadəyə verilməsi, fərdi kompüterlərin yayılması və internetə marağın artması ilə bağlı idi. Bu gün isə sektordakı sürətli inkişafın əsas hərəkətverici qüvvəsi süni intellekt texnologiyalarına və AI infrastrukturunun qurulmasına yönəldilən iri investisiyalardır.

Mütəxəssislər hesab edir ki, süni intellektin biznes proseslərinə inteqrasiyası, avtomatlaşdırma və rəqəmsal transformasiya növbəti illərdə də qlobal İT bazarında artımı davam etdirəcək.