Microsoft Windows 11 24H2 versiyası üçün KB5048667 yeniləməsini buraxdı və bu, istifadəçilər üçün bir çox problemlərə səbəb oldu.

Finss.az xəbər verir ki, bu barədə “Windows Latest” portalı məlumat yayıb.
Belə ki, bəzi istifadəçilər sistemi yeniləmək istəyərkən 0x800f081f xəta kodu ilə qarşılaşdıqlarından, bəziləri isə yeniləmənin uzun müddət yüklənməsindən şikayətləniblər. Yeniləməni quraşdırmağa müvəffəq olan istifadəçilər kompüterlərinin performansında azalma yaşadılar. Onların bir çoxu qeyd edir ki, yeniləmə quraşdırıldıqdan sonra prosessor həddindən artıq yüklənməyə başlayır ki, bu da sistemin və Roblox və League of Legends kimi oyunların yavaşlamasına gətirib çıxarır.

Bəzi istifadəçilər problemin yeni performansın idarə edilməsi funksiyası ilə əlaqəli olduğunu düşünürlər, görünür, bu funksiya düzgün işləmir.
“Microsoft” şirkəti hələlik vəziyyətlə bağlı açıqlama verməyib. Şirkət yəqin ki, növbəti yamada müəyyən edilmiş problemləri həll edəcək. Bu arada ekspertlər təsirə məruz qalan istifadəçilərə əməliyyat sisteminin əvvəlki versiyasına qayıtmağı tövsiyə edir.

Kaira Agayeva 

Finss.az