Redmi 11 illik yubileyi şərəfinə böyük hərflərlə hazırlanmış yeni loqo təqdim etdi və Redmi K80 Pro flaqman smartfonunu elan etdi. Bu barədə GSMArena portalı məlumat yayıb.

Finss.az xəbər verir ki, Brend noyabrın 27-də Redmi K80 və K80 Pro flaqman smartfonlarının təqdimatını keçirəcəyini təsdiqləyib, həmçinin köhnə modelin dizaynını əks etdirən poster dərc edib. Göründüyü kimi, yeni məhsul dəyişdirilmiş flaş yeri ilə Xiaomi Civi 4 Pro-ya bənzəyəcək.

Rəsmi məlumata görə, smartfon 1,9 mm qalınlığında “ultra nazik” alt çərçivəyə sahib olacaq. Ekran həmçinin 2K təsvir ölçüsü və ekran altında ultrasəs barmaq izi skaneri alacaq.

Şayiələrə görə, Redmi K80 Pro-da flaqman Snapdragon 8 Elite çipset, 120W naqilli enerji doldurma və 50W simsiz enerji doldurma, adi model isə müvafiq olaraq 90W və 30W təklif edə biləcək. Bundan əlavə, hər iki model IP68 standartına uyğun olaraq toz və sudan qorunacaq.

Çox güman ki, Redmi K80 seriyası daha sonra Çindən kənarda, lakin başqa adla təqdim olunacaq.

Əvvəllər bildirilmişdi ki, əsas iPhone modelləri Pro versiyalarından qat-qat populyardır.

Kaira Agayeva 

Finss.az