2024-cü ildə Rusiyanın kənd təsərrüfatı müəssisələrində orta soya məhsuldarlığı bir il əvvəlki 19,2 s/ha ilə müqayisədə 20 sentnerə qədər artacaq.

Fins.az xəbər verir ki, bu proqnozu RUSEED analitik mərkəzi açıqlayıb. 

Analitiklərin qeyd etdiyi kimi, bu il Mərkəzi Federal Dairənin fermerləri soya məhsuldarlığında lider olaraq qalacaqlar. 2023-cü ilin sonunda Mərkəzi Federal Dairədə bitkilərin orta məhsuldarlığı 23,6 s/ha təşkil edib - ümumrusiya göstəricisindən 23% yüksək. Bu il ən yaxşı nəticələri Kursk (28,7 s/ha), Belqorod (28 s/ha), Lipetsk (27,4 s/ha) vilayətlərinin kənd təsərrüfatı müəssisələrinin göstərəcəyi gözlənilir.

Analitiklər həmçinin yağlı bitkilərin sahələrinin artacağını proqnozlaşdırırlar.

Günel Məlikzadə
Fins.az