Bu ildə Özbəkistan kənd təsərrüfatı məhsullarının ixracını 3,5 milyard dollara çatdıra bilər. Eyni zamanda, 2023-cü ildə kənd təsərrüfatı məhsullarının xarici bazarlara tədarükü təxminən 2 milyard dollara çatıb. 

Fins.az xəbər verir ki, Özbəkistan dövlət başçısının mətbuat xidmətinin aydınlaşdırdığı kimi, 2023-cü ildə kənd təsərrüfatının ümumi məhsulunun artım tempi 4,1 faiz təşkil edib. Amma sektorun ixrac potensialı hələ tükənməyib.

O cümlədən, meyvə-tərəvəz və dənli paxlalı bitkilərin istehsalı və ixracının artırılması nəzərdə tutulur.

Karantin və Bitki Mühafizəsi Agentliyi yeni potensial bazarların axtarışı və ixracyönümlü məhsulların satın alınmasının təşkilinə cavabdehdir.

Bildirilir ki, son illər kənd təsərrüfatı məhsullarının 80 ölkəyə ixracı üçün 620 fitosanitar icazə alınıb və onlarla elektron məlumat mübadiləsi yaradılıb. GSP+ sistemi çərçivəsində 200 min hektar ərazi beynəlxalq tələblərə uyğunlaşdırılıb.

Regionlarda daha 20 səyyar laboratoriya yaradılaraq “uzagrolab.uz” elektron platformasına inteqrasiya olunacaq. Pestisidlərin dövriyyəsi ilə bağlı bütün proseslər rəqəmsallaşdırılacaq, keyfiyyətsiz pestisidlərin idxalı və qeyri-qanuni ticarəti qadağan ediləcək.

Daha 8 ölkədən fitosanitar icazələrin alınması planlaşdırılır.

Günel Məlikzadə
Fins.az