Bu ilin yanvar ayında Qazaxıstan dəmir yolu ilə ixrac üçün 509,11 min ton taxıl yükü daşıyıb.

Fins.az rəsmi statistikaya istinadən xəbər verir ki, bu, 2023-cü ilin analoji dövrünün göstəricisindən 26% azdır.

Bu rəqəm də 2023-cü ilin dekabr ayı ilə müqayisədə 12% azdır.

Qeyd edək ki, 2024-cü ilin ilk ayında Qazaxıstan taxıl yükünün ən əhəmiyyətli həcmi ənənəvi olaraq Özbəkistana (251 min ton) göndərilib.

İkinci yerdə 90,5 min ton yük daşındığı İtaliyadır.

Tacikistana 77,6 min ton, Çin və Əfqanıstana hər birinə 31 min ton, İrana isə cəmi 5,44 min ton göndərilib.

Günel Məlikzadə
Fins.az