Ukraynada 2023-cü ildə torpaq sahələrinin alqı-satqısının həcmi 58%, hər hektarın qiyməti 8%-dən çox, kommunal torpaqların icarəsi üzrə onlayn hərraclar 4 dəfə, bazar kapitallaşması isə 89,9 milyard UAH artıb.

Fins.az xəbər verir ki, bu cür qiymətləndirmələri Kiyev İqtisadiyyat Məktəbinin (KSE Agrocenter) mütəxəssisləri 2023-cü il üçün yekun analitik icmalında səsləndiriblər.

“2023-cü ildə kənd təsərrüfatı torpaqları bazarının əhəmiyyətli artımına baxmayaraq, o, hələ müharibədən əvvəlki göstəricilərə çatmayıb. 2023-cü ildə torpaq dövriyyəsi 2022-ci illə müqayisədə 58% artaraq 172,9 min hektar ərazini əhatə edib”, - deyə icmalda qeyd olunub.

Bundan əlavə, 2023-cü ilin dördüncü rübündə kənd təsərrüfatı torpaqları ilə əməliyyatların sahəsi bütün il üçün ən yüksək olub - ümumi sahəsi 53,9 min hektar olan 23,8 min əməliyyat.

Bununla yanaşı, 2023-cü ildə kənd təsərrüfatı təyinatlı torpaqların orta çəkili qiymətinin artım tempi bir qədər cüzi olub və 8,3% təşkil edib. Buna görə də, ötən ilin nəticələrinə görə bazarın nominal kapitallaşması 89,9 milyard UAH, Ukraynada torpaq bazarının açılmasından bəri isə 179 milyard UAH artıb.

Günel Məlikzadə
Fins.az